सामाजिक कुप्रर्था विरुद्ध अभियान थाल्ने जनप्रतिनिधीहरुको प्रतिबद्धता ।।

img1

धु्रबतारा संवाददाता, दैलेख पौष २३  ।
 
दैलेखका विभिन्न स्थानीय तहका प्रमुख, उपप्रमुख र प्रतिनीधिसभा तथा प्रदेशसभा सदस्यहरुले जिल्लामा सामाजिक विकृति विरुद्ध अभियानको थालनी गर्ने प्रतिबद्धता गरेका छन् ।  
 
सदरमुकाम दैलेख बजारमा आईतबार गरिएको सार्वजनिक सुनुवाई कार्यक्रममा निर्वाचित जनप्रतिनीधिहरुले यस्तो प्रतिबद्धता गरेका हुन् ।
 
महिला हिंसा, छाउपडि प्रर्था, बाल विवाह न्यूनिकरणका लागि दैलेख जिल्लाका हरेक घरका महिलाहरुले थालेको अभियानलाई स्थानीय तह र निर्वाचित जनप्रतिनीधिहरुले सहयोग गर्ने भएका छन् ।  
 
हरेक घरमा महिलाहरुले थालेको नयाँ अभियानलाई हरेक स्थानीय तहहरु गाउँपालिका, नगरपालिका र वडा तहमा निर्वाचित जनप्रतिनीधीहरुले सहयोग गर्ने भएका हुन् । 
 
उक्त अभियानलाई नगर उपप्रमुख, गाउँपालिकाका उपाध्यक्षहरुले अगुवाई गर्नुका साथै उक्त अभियानमा कानुनको कार्यान्वयन गराउन प्रशासन र प्रहरी कार्यालयले कडाईका साथ लागु गर्ने प्रतिबद्धता गरिएको छ ।  
 
यस्तै स्थानीय तहका विभिन्न संरचनामा लक्षित वर्गको शसक्तिकरणका लागि रकम विनियोजित गर्दै महिला, बालबालिका लगाएतका सिमान्त्कृत समुदायलाई आर्थीक, सामाजिक र साँस्कृतिक विकासका लागि पहल थालिने भएको छ ।
 
स्थानीय तहका वडा तह देखि गाउँपालिका  तथा नगरपालिकामा बालबालिकाहरुका लागि आएको रकम विनियोजित गरिनुका साथै बालबालिकाहरुलाई स्थानीय तहका हरेक समितिहरुमा सहभागिता गराइने भएको हो ।  
 
बाल विवाह, महिला हिंसा, छाउपडि प्रर्था र बालश्रम जस्ता सामाजिक विकृतीहरुको न्यूनिकरणका लागि सचेतनामुलक कार्यक्रम संचालन गर्ने प्रतिबद्धता समेत गरिएको छ ।
 
संचालन गरिएका कार्यक्रमहरुको प्रभावकारी कार्यान्वयका लागि सबै तह र तप्का संग समन्वय गरिने प्रतिबद्धता गरिएको हो । 
 
स्थानीय तह पुर्नसंरचता पश्चात बनेको स्थानीय तहहरुले बालबालिकाहरुको क्षेत्रमा प्रत्यक्ष लाभ पुग्ने खालका कार्यक्रम समावेश नगरिएको चौतर्फी गुनासोहरुलाई आगामी आर्थीक बर्षमा त्यस्ता खालका गुनासोहरु आउन नदिने गाउँपालिका तथा नगरपालिकाका प्रमुखहरुले प्रतिबद्धता गरेका छन् ।
 
यस आर्थीक बर्षमा स्थानीय तहबाट विनियोजित रकम विगतमा जस्तै लक्षित वर्गहरुलाई प्रत्यक्ष लाभ पुग्ने खालका योजना तथा कार्यक्रमहरु नभएको गुनासोहरु आएकोले आगामी आर्थीक बर्षमा स्थानीय तहको बजेट तर्जुमा गर्दा लक्षित वर्गको रकम विनियोजन गर्दा सबै वर्ग र समुदायलाई समेट्ने प्रतिबद्धता गरिएको हो ।
  सार्वजनिक सनुवाई कार्यक्रममा बोल्दै दैलेख निर्वाचन क्षेत्र नं. १ बाट निर्वाचित प्रतिनीधि सभा सदस्य रविन्द्रराज शर्माले सामाजिक कुरिती र कुसँस्कार विरुद्ध बनेका कानुनहरु अक्षरस कार्यान्वयन गर्नुपर्नेमा जोड दिनुभएको छ । 
 
दैलेख क्षेत्र नं. १ प्रदेश (क) बाट  निर्वाचित प्रदेश सभा सदस्य अम्मर बहादुर थापाले कुप्रर्थाको विरुद्ध स्थानीय तहहरुले ठोस प्रयासहरु थाल्न आवश्यक रहेको बताउनुभयो । 
 
दैलेख जिल्लाका प्रमुख जिल्ला अधिकारी विश्वराज न्यौपानेले पछिल्लो समय जिल्लामा अभिभावकले नै उमेर नपुगी विवाह गरिदिने समस्यामा कमी आएको भएपनि बालबालिकाहरुले उमेर नपुगी विवाह गर्नेको संख्यामा कमी आउन नसकेको औल्याउनुभयो  ।
 
कार्यक्रममा जिल्ला प्रहरी कार्यालय दैलेखका निमित्त प्रहरी प्रमुख एकेन्द्र खड्काले स्थानीय समुदायको सोचाईमा परिवर्तन नभए सम्म सामाजिक विकृति र कुप्रर्थाहरु हटाउन नसकिने बताउनुभयो । 
 
जिल्लाका जुनसुकै ठाउँबाट बाल विवाह भएको खबर जिल्ला प्रहरी कार्यालय दैलेखमा आए प्रहरीको टोली सम्बन्धित ठाउँमै गएर विवाह रोक्ने गरेको खड्काले बताउनुभयो  ।
 
कार्यक्रममा दैलेख जिल्लाका विभिन्न गाउँपालिका तथा नगरपालिकाका प्रमुख, उपप्रमुखहरुले आ–आफ्नो धारणा राखेका   थिए ।
 
जिल्ला समन्वय समिति दैलेखको आयोजना तथा सामाजिक सेवा केन्द्र (सोसेक) नेपाल दैलेखको सहयोगमा भएको सार्वजनिक सुनुवाई कायक्रमको सहजिकरण धमाका राष्ट्रिय दैनिकले गरेको थियो । 
 
कार्यक्रमलाई महिला तथा बालबालिका कार्यालय दैलेख, सेभ द चिल्ड्रेन, डिसिए, हेल्भेटास लगाएतका परियोजनाहरुले समन्वय गरेका थिए ।   
 
सार्वजनीक सुनुवाई कार्यक्रमको दैलेखका ३ वटै सामुदायीक रेडीयोहरु ध्रुबतारा एफएम, जवाला एफएम र दुल्लु एफएमले प्रत्यक्ष प्रसारण समेत गरेका थिए ।