ध्रुबतारा संवाददाता
१४ चैत, दैलेख ।
सरकारले आगामी बैशाख ३० गतेका लागि तोकेको स्थानीय तहको निर्वाचनमा दैलेखमा १४ दलले भाग लिने भएका छन् ।  निर्वाचन आयोगले चैत २ देखि ६ गतेसम्म जिल्लामा क्रियाशिल दलहरुको विवरण उपलब्ध गराउन भन बमोजीम दैलेखमा राष्ट्रिय वाहेकका ८ गरी १४ दलले आवेदन दिएका जिल्ला निर्वाचन अधिकारी मनमाया काउचाले बताउनुभयो  । 

राष्ट्रिय दलमा नेपाल कमयुनिष्ट पार्टी (एमाले), नेपाली काँग्रेस, नेकपा (माओवादी केन्द्र), नेकपा एकीकृत समाजवादी र जनता समाजवादी पार्टी रहेका छन् ।  राष्ट्रिय मान्यता प्राप्त दल वाहेक राष्ट्रिय जनमोर्चा, नेपाल मजदुर किसान पार्टी, राप्रपा, उन्नत लोकतन्त्र पार्टी, नेपाल परिवार दल, जनसमाजवादी पार्टी नेपाल, सामाजिक एकता पार्टी र राप्रपा नेपपाल गरी ८ दल रहेका निर्वाचन अधिकारी काउचाले बताउनुभयो ।